BUTUAN CITY – Subling napakyas sila Bayan Muna Representatives Eufemia Campos Cullamat ug Carlos Isagani Zarate kauban ang militanteng gropu nga Malahutayong Pakigbisog Alang sa Sumusunod kon MAPASU nga mapasugot ang Surigao del Sur Provincial Government sa pag pull-out sa Community Support Teams atol sa Peace Dialogue sa Sitio Simuwao (Kilometer 9), Diatagon, Lianga, Surigao del Sur sa nakalabay nga adlaw.
Gitumbok sa probinsiyal nga kagamhanan nga ang presensiya sa military mahinungdanon sa pag-establisar sa malahutayong kalinaw og kalamboan sa lugar pinaagi sa Executive Order No. 70.
Tumong sa maong Peace Dialogue nga mapromotar ang panag-uliay, panagtinabangay, malahutayong kalinaw og kooperasyon pinaagi sa consultative discussions sa kumunidad, hingtungdang government agencies sama sa AFP ug uban pang sectors.
Una nang gipamugos sa MAPASU ug Bayan Muna ang nilang demanda nga kuhaon ang Community Support Teams ug gibatikos ang Whole of Nation Approach to End Local Communist Armed Conflict sa gobyerno sa pagtumbok nga dili kini ang tukmang formula aron matuldukan ang kagubot sa kumunidad.
Ang military, isip observer, walay gipagawas nga pamahayag apan dunay klaro nga mensahe sa probinsiya pinaagi sa goberndor.
Sigon ni Governor Alexander Pimentel si President Rodrigo Roa Duterte, ang Commander-in-Chief sa Armed Forces of the Philippines, ang bugtong makamandu sa kasundaluhan nga molihok ugaling gikinahanglan.
Duna silay misyon nga dapat tumanon alayon na sa Whole of Nation approach to end local communist armed conflict kansa mahinungdanon sa atong nasyunal nga seguridad.
Gihagit pa sa gobernador ang makawalhong grupo nga itudlo ang sundalo nga anaa sa Km-9 nga nakakomitar og violation aron kini iyang gelayong ipatanggal.
Kini ang gikumpirma usab ni Datu Marcos Bucales, Indigenous People Mandatory Representative kon IPMR sa Lianga, Surigao Del Sur sa pakighinabi ning sibyahan.
