BUTUAN CITY – Gikumperma ni Agusan Del Norte Provincial Jail Warden Fermin Antenorio nga duna matud pay Person Deprived of Liberty kon PDL sa nasangpit nga bilanguan ang nagkutlo sa kaugalingon niining kinabuhi karong adlawa sulod mismo sa Isolation room.
Saysay sa opisyal nga ikaduha na matud pa naka sulod ang maong PDL sa nasangpit nga bilanguan ning tuiga, diin ang permiro mao niadtung Abril 3, apan na narelease ra matud pa kini niadtung Abril 22 pinaagi sa release and recognizance. Apan sayran nga nadakpan na usab kini og balik kaganinang buntag human nakalapas sa mga nakalatid nga balaod alang sa mga napailalum sa parole and probition.
Naila ang biktima nga si Jim Marc “Mac-Mac” Granada, 33 anyos, single, ug taga Nasipit, Agusan del Norte.
Sumala sa warden nga taliwala pa man nga ikaduha na ang suspek nakasulod sa maong bilanguan, daw nabag-ohan gihapon kini sa patakaran nga kinahang upawan gayud ang makasulod sa maong pasilidad, rason sa kasuko niini.
Kini matud pa ang hinungdan nga gi isolate una nila ang nasangpit nga biktima sa isolation room tungod kay basin unya og mangdamay pa kini, ilabi na nga acquaintance party pa sa mga living spacers atul usab sa kasaulgan usab sa 29th National Correctional Consciousness Week kon NACOCOW 2024.
Alas 2 sa hapon dihang ilang nadiskubrehan nga gihkot na diay niini ang iyahang kaugalingon gamit sa iyahang liston sa sapatos tali sa lansang kilid sa nasangpit nga lawak.
Sa kasamtanghan, gipaningkamotan na sa mga opisyal nga mahiluna ang patayng-lawas sa nasangpit nga biktima.
