BUTUAN CITY – Gikumpirma sa Police Regional Office-7 nga hapsay ug wala’y natalang untoward incidents sa usa ka semanang kalihukan subay sa pag-host sa Cebu City ug sa lalawigan sa Bohol sa Association of Southeast Asian Nations kon ASEAN Tourism Forum 2026 ug ASEAN Foreign Ministerial Meetings.
Sigon ni PLCol Jose Los Baños – tigpamaba sa Cebu City Police Office, wala sila’y natalang bisan unsa mang insidente nga naka-apekto sa dagkong mga kalihukan ilabina sa pag-tour sa mga delegado.
Kini bisan pa man sa gihimong unity ride sa mga diehard Duterte supporters sa maong siyudad niadtong Huwebes, Enero 29.
Sigon sa opisyal, nagpabiling matinud-anon ang kapulisan sa ilang duty samtang gihimo ang kolektibong responsibilidad nga atimanon ang interest sa nasud ug paklusgon ang positibong imahe sa Pilipinas sa pangkalibutanong komunidad.
