BUTUAN CITY – Angayan lang nga mabalaka si Pangulong Ferdinand ‘Bongbong’ Marcos Jr sa pag-imbitar sa Philippine Chamber of Commerce and Industry kon PCCI kansa mao ang pinakadakong business organization sa nasud, kang Vice President Sara Duterte sa ilang 51st Philippine Business Conference and Expo sa Pasay City.
Sigon ni political analyst Atty James Reserva, isip pinakagamhanang tawo sa Pilipinas, ang pangulo unta ang angayang imbitaron sa maong kalihukan.
Kini ilabina nga kontrolado niya ang House of Representatives ug Senado kansa dakong tabang sa pagmugna niya og mga palisiya alang sa ekonomiya.
Ang gihimo matud pa sa gamhanang grupo sa mga negosyante, nagpakita lang sa kawala na nila’y pagsalig sa pangulo ug sa mga economic managers niini nga mao unta ang angayang anaa sa nasangpit nga kalihukan.
Ang kawala matud pa’y lig-ong aksyon sa administrasyon batuk sa klaro na kaayong mga anumalusong ghost flood control projects ang nagpawala sa pagsalig sa katawhang Filipino ngadto sa Marcos administration kansa dako kaayong ka-ulawon.
