BUTUAN CITY – Nakurat ang tibuok Pilipinas human gibulabog ni kanhi Ako Bicol Rep Zaldy Co nga mismong sila Pangulong Ferdinand Marcos Jr ug ig-agaw niining si kanhi House Speaker Martin Romualdez nga maoy utok sa lapad nga kurapsyon sa gobyerno.
Sa usa ka video nga gipadala ni Co ngadto sa mga tigbalita, gi-angkon niini ang P100 bilyon nga budget insertion nga mando mando matud pa nila Marcos Jr. ug Romualdez.
Gi-akusahan usab niya ang administrasyon nga gigamit ang tanang resources sa nasud aron siya mapahilom dayong butyag nga pusilon siya kung magsaba kansa nagpasabot sa posibleng hulga sa iyang kinabuhi.
Nanghinaut siya nga dili pa siya mapatay samtang wala pa niya mabulgar ang tanang nga iyang gihimo isip pagsunod sa mando sa manag-agaw. Karon dili na siya magpakahilom pa tungod kay ipangbulgar niya ang tanan nga duna’y resibo isip mga ebidensya.
Gipahibalo usab nga migawas siya sa nasud niadtong Hulyo 19, ning tuiga alang sa medical check-up, ug adunay plano nga mobalik human sa budget deliberations.
Apan wala na siya pa-ulia pa human gitawagan ni Romualdez. Nakasabot siya sa grabeng kasukod sa katawhang Filipino ngadto kaniya apan mi-apela siya og pagsabot ug paminawon una siya sa ipangbulgar niyang kamatu-uran human ang taud-taud niyang pagpakahilom.
