BUTUAN CITY – Gipaniguro ni Pangulong Ferdinand ‘Bongbong’ Marcos Jr nga nagpabiling lig-on ang alyansa sa Pilipinas ug Amerika sa natad sa seguridad, depensa, pamatigayon, ekonomiya, edukasyon, panglawas, cyber, outer-space ug uban pa.
Gipadayag kini sa pangulo atol sa unveiling sa sa logo alang sa 88th anniversary sa diplomatic relations sa Pilipinas ug Amerika nga namugna niadtong Hulyo 4, 1946. Sa pagpamulong sa pangulo, iyang gidayeg ang US-Philippine Society sa mahinungdanong papel niini sa pagpalig-on sa relasyon sa Pilipinas ug Estados Unidos ug pagmugna og bag-ong mga kasabutan.
Gidayeg usab ni Pangulong Marcos ang papel ni US Ambassador Jose Manuel ‘Babe’ Romualdez tungod sa padayong paghimo og mga lakang nga mas nagpalig-on sa relasyon sa duha ka mga nasud.
Samtang subay sa chairship sa Pilipinas karong tuiga sa Association of Southeast Asian Nations kon ASEAN, nanghinaut ang pangulo nga padayong suportahan sa Estados Unidos ang Pilipinas ug ang komunidad niini ilalom sa komprehensibong strategic partnership.
Dugang pa niini nga mala-umon siyang subling mubisita sa Manila si US President Donald Trump alang sa himuong ASEAN Summit karong tuiga.
