BUTUAN CITY – Nanghunaw na si Pangulong Ferdinand Marcos Jr. sa impeachment proceedings sa Kamara ug Senado batuk kang Vice President Sara Duterte.
Sigon sa Pangulo, una na siyang supak sa impeachment batuk sa Vice President bisan niadtong wala pay giduso nga impeachment complaint sa Kamara apan dili matud pa niya mapug-ngan ang ubang grupo sama sa Makabayan bloc, kanhi Senador Leila de Lima ug uban pang religious group nga mu-file niini.
Wala na matud pa siya’y choice kundi sundon ang proseso tungod kay mandato kini sa Kongreso.
Andam usab nga magpatawag og special session ang Pangulo aron makahimo ang Senado og impeachment trial batuk kang VP Duterte kung mohangyu ang mga Senador tungod kay nag-adjourn na na sila.
Samtang wala usab mitoo ang pangulo nga dunay ayuda bugti sa pirma sa pagpa-impeach sa besi presidente. Tubag kini sa pangulo sa daghang alegasyon nga nang-gawas human ang paspas nga pagpapasar sa reklamo nga nahimo na karong Articles of Impeachment.
