BUTUAN CITY – Pabor si Presidente Ferdinand Marcos Jr. nga itudlo ang sex education sa mga tunghaan sa Pilipinas. Sumala sa Presidente nga tungod sa nagkataas nga kaso sa teenage pregnancy sa nasod, lakip na usab sa mga single mothers, ingon man sa mga sakit nga makutay sa pakighilawas, importante matud pang matudlo ang maong butang ngadto na sa mga magtutungha.
Dugang pagklaro ni Marcos nga ang kakulang sa kahibalo sa mga kabataan mahitungod sa teenage pregnancy, child care, ingon man sa nutrisyon sa mga bata kay pipila lang sa mga hagit nga giatubang sa mga batan-ong inahan.
Kini ang gipadayag sa Presidente human siya gipangutana kung kinahanglan bagn ipadayon ba ang kontrobersyal nga Comprehensive Sexuality Education nga gi implementar sa mga tunghaan ilawom sa Department of Education Order number 31.
Una nang gikataho ni Senate Panel on Basic Education Senador Sherwin Gatchalian nga maglusad kini og imbistigasyon mahitungod sa maong balaodnon lakip na usab sa Senate Bill no. 1979 kon ang Prevention of Adolescent Act of 2023.
Sumala ni Gatchalian nga usa sa mga nakitang problema sa maong mga sugyut kay bisna ang mga bata nga anaa sa kindergarten kay mamahimong subject sa nasangpit nga sex education.
