BUTUAN CITY – Nagtuo si Presidente Ferdinand Bongbong Marcos Jr. nga dili overkill ang gihimong pagsuhid sa libuan ka mga kapulisan sa Kingdom Of Jesus Christ compound, alayon niini nagtuo usab ang Presidente nga walay nahimong paglapas sa tawhanong katungod sa nahitabong pagserve untana og arrest warrant ngadto na sa lider sa Kingdom of Jesus Christ nga si Pastor Apollo Quiboloy.
Sumala sa Presidente nga dili matawag nga paglapas sa tawhanong katungod ang paggamit og daghang mga kapulisan sa pagpangita kang Quiboloy sa 30 ektaryang compound, bisan pa kung ipapangutana kini sa Commission on Human Rights. Dugang niini nga dili matud pa mo salir sa ingon niini ka lapad nga compound ang usa ra ka dosena nga kapulisan arun pangitaon ang puganteng si Quiboloy. Pagbutyag usab sa Presidente nga tumong lamang sa daghang mga kapulisan atul sa pag serve sa warrant of arrest kay arun lang mapabilin ang kahapsay sa gihimong operasyon, ilabi na kung mo resist ang mga miyembro ni Quiboloy.
Pagklaro sa presidente nga wala ni gamit ang mga kapulisan og tear gas ingon man dili usab armado ang mga pulis nga nanulod sa nasangpit nga compound, rason nga wala matud pa siya makasabot kung nganong gidamay pa ni Quiboloy ang iyahang mga kaubanan sa pagtuo arun lang mataguan ang balaod. Subay pa sa Presidente nga “believers” lang ang mga taga suporta ni Quiboloy, apan wala matud pa kini namerma nga mamahimong frontliners arun siya protektahan.
Dugang sa Presidente, namulitika na lang ang mga tawong gipamugos nga overkill ug dunay paglapas sa tawhanong katungod ang gihimo sa mga kapulisan.
Ang pamahayag ni Presidente Ferdinand Bongbong Marcos Jr.
