PBBM, nadismaya human nasayrang wala siya gi-ila nga higala ni VP Sara

BUTUAN CITY – Aminado si Pangulong Ferdinand Marcos Jr nga nadismaya siya sa una nang pamahayag ni Vice President Sara Duterte nga wala siya gikonsidera niining higala.

Madumdumang niadtong katapusang pagtunga ni VP Sara sa budget deliberation alang sa Office of the Vice President sa tuig 2025, human niya pintuka ang komite sa ilang katuyuan nga gusto lang nilang i-impeach siya sa pwesto, giklaro niini nga nagkaduol lang sila tungod sa ilang tandem sa UniTeam.

Samtang sa pag-abot sa pangulo gikan sa ASEAN Summit sa Laos ug nakuhaan og reaksyon sa pamahayag ni VP Sara, gibutyag niini nga dili niya masabtan nganong wala siya gi-isip niining higala rason sa iyang pagkadismaya.