BUTUAN CITY – Mi-ani na usab karon og mga pagsaway ang pamahayag ni Pangulong Ferdinand ‘Bongbong’ Marcos Jr., nga ang tanan matud pang mga pulis nga gi-deploy sa Kingdom of Jesus Christ kon KOJC compound, wala’y dalang armas taliwa sa kamatu-uran nga bitbit sa kadaghanan sa mga pulis ang mga tag-as nga kalibre sa armas.
Una nang gipadayag sa pangulo nga dili overkill ang pagsuhid sa libuang kapulisan sa compound ug wala matud pa’y nahimong paglapas sa tawhanong katungod sa pag-serve sa arrest warrant alang kang Pastor Apollo Quiboloy samtang padayong gisuhid ang 30-ektaryang compound.
Gi-angin pa sa pangulo ang Commission on Human Rights kalabot sa nanggawas karong mga alegasyon nga duna’y mga nasakitan tungod sa tensyon tali sa mga KOJC members ug sa mga pulis.
Sigon sa pangulo, dili matud pa musalir kung pila ka dosenang pulis lang ang ilang ipadala sa compound tungod sa kalapad niini dayong panghimakak nga migamit matud pa og tear gas ang mga otoridad.
