BUTUAN CITY – Gibalewala lang ni Pangulong Ferdinand Marcos Jr. ang panawagan ni kanhi Executive Secretary Atty. Vic Rodriguez nga mupa-ilalom siya sa hair follicle drug test. Katarungan sa presidente, wala kini koneksyon sa constitutional principle nga public office is a public trust.
Gikwestiyon usab sa pangulo ang nasangpit nga tirada ni Rodriguez. Sumala pa ni Pangulong Marcos, kung motoo ang katawhan sa pamahayag ni Rodriguez, angayan matud pang ibalik ang pangutana kung nganung nagtrabaho kini kaniya.
Nasayran nga nagsilbing executive secretary si Vic Rodriguez ni Pangulong Bongbong Marcos adiser nakabaton og lamat ang ilang relasyon ug mibiya sa maong katungdanan.
Mahinumduman usab nga gitawag ni Duterte nga “bangag” si Marcos, apan gibakwi usab niini ang pamahayag sa pag-ingong wala niya gi-akusahang migamit og ilegal nga droga ang kasamtangang presidente.
