BUTUAN CITY- Gimando ni President Ferdinand Marcos Jr. sa kapolisan ug uban pang law enforcement agencies ang hugot ug dali-ang pagpatuman sa balaod aron mapanubag ang mga nalambigit sa kaso sa mga nangawalang missing sabungeros.
Sigon ni Palace Press Officer Undersecretary Claire Castro nga klaro ang direkasyon sa Presidente nga ipatuman ang nagung-ung nga balaod, lakip na ang dali-ang pag-aresto sa mga adunay warrant of arrest.
Una na usab nag-pagawas og arrest warrants ang Regional Trial Court sa Sta. Cruz, Laguna batok sa mga akusado lakip ang negosyanteng si Charlie “Atong” Ang sa kasong kidnapping ug serious illegal detention kalabot sa pagkawala sa pipila ka mga sabungeros.
Ming-abot 34 ka sabungeros ang gikatahong nawala gikan sa 2021 hangtud 2022, diin gituohang adunay kalabotan sa match-fixing o pagpanglimbong sa sabong.
Gisilbi kagahapong adalwa sa PNP ang warrant of arrest batok kang Atong Ang apan wala makit-i ang negosyante.
