BUTUAN CITY – Si Presidente Ferdinand Bongbong Marcos Jr. ang gitudlong ugat sa krisis sa pagkaon sa Pilipinas sumala sa grupong Kilusang Magbubukid nga Pilipinas kon KMP.
Sumala ni Danilo Ramos, ang Chairman sa KMP, band-aid solution lamang matud pa ang gihimo sa Presidente sa problemang pagkaon sa nasod, partikular na sa Presyo sa bugas.
Lakip sa mga gitudlo niining solusyon ang Kadiwa, Sulit at Nutri Rice ingon man ang Maximum suggested retail price sa mga imported nga bugas 58 pesos matag kilo, apan sumala sa kwentada sa grupo, anaa matud pa sa 29 pesos matag kilo ang landed cost, kansa nagpasabot nga halos doble-doble ang kita sa mga traders.
Alayon niini, tungod matud pa kay traders ug mga kartel ang nagkontrola sa presyo sa bugas sa merkado, nahiktan na ang papel sa National Food Authority kansa pagpalit og deretso sa mga mag-uuma.
Dugang niini nga tungod usab sa gipagawas nga Executive Order no. 62 sa Malacañang niadtung Hunyo 2024 kansa nagkunhod sa taripa sa mga imported nga bugas gikan sa 35% ngadto sa 15%, nabulahan matud pa ang mga traders, smugglers, ug ang mga Cartels.
Ang pamahayag ni Danilo Ramos, ang Chairman sa KMP.
Dugang pa sa opisyal nga ilawom matud pa sa Republic act 12078 nga mag-import matud pa ang DA og bilyones nga bugas, rason nga mas ning samot matud po ang ka-lugi sa mga mag-uuma sa Pilipinas.
Sayran nga aprobado na ang pagdeklara og food security emergency crisis sa nasod isip tubag sa kakuwang sa supply bugas sa Pilipinas, ingon man sa pagsaka sa presyo niini.
