BUTUAN CITY – Subling gibanatan ni kanhi Pangulong Rodrigo Duterte si Pangulong Ferdinand Marcos Jr.tungod sa padayon matud pa niining pagpanghatag og mga ayuda. Sigon sa kanhi pangulo,pulos ayuda na lang ang gustong himuon sa kasamtangang administrasyon, ug wala’y napatukod nga mga bag-ong proyekto.
Sigon ni Duterte, wala’y bag-ong tulay, wala’y pag-ayo sa mga nagubang imprastraktura, ug wala’y napatukod nga mga bag-ong istraktura, ug gihurot na lang ang pundo sa gobyerno sa paghatag og ayuda.
Dugang pa ni Duterte, kung kini lang ang gusto ni Pangulong Marcos nga handumon siya sa katawhan, wala siya’y mahimo apan mahimo matud pa siyang mabansagan og ‘President Ayuda’ tungod sa padayong pagpanghatag og ayuda. Apan mahimo pa gihapon kining mabag-o sa kasamtangang administrasyon, partikular na ang pagbag-o sa ilang pokus.
