BUTUAN CITY – Gipasalamatan ni Pangulong Ferdinand Marcos Jr., si Oman Sultan Haitham Bin Tarik ug ang gobyerno sa maong nasod sa malampusong mediation niini arun buhian sa mga rebeldeng Houthi ang 17 ka mga Filipino seafarers nga mga crews sa M/V Galaxy Leader sa Red Sea nga gibihag niadtung Nobyembre 2023.
Subay niini, gidayeg usab ni Presidente Marcos ang mga ahensya sa Pilipinas, ingon man ang mga private instrumentalities sa walay kakapoy nga pakigtinabangay sa mga foreign governments ingon man mga entities arun mabuhian ang mga Pilipinong hawid sa mga Houthi rebels sulod sa 429 ka mga adlaw.
Una nang gikumperma ni Presidente Marcos ning kadlawon nga gibuhian na ang 17 ka mga Pinoy seafarers sa nasnagpit nga mga rebeldeng grupo.
Dugang sa Presidente nga tungod sa mga isog nga mga marinong Pilipino, napermahan ang magna carta for Filipino seafarers arun maprotektahan ang katungod sa mga Pinoy nga anaa sa maritime industry.
Lakip na sa maprotektahan sa maong balaod ang edukasyon ug training, ingon man ang development sa mga marinong Pilipino, kini ilawom na usab sa domestic ingon man international laws, standards ug mga conventions.
Sa kasamtangan, kamulo na og proseso sa mga papeles alang sa pagpauli sa nahisgutang mga marino.
