BUTUAN CITY – Duna pa’y pipila ka mga dokumento nga gihulat si Vice President Sara Duterte adiser kini mu-uli sa Pilipinas samtang atua siya karon sa The Netherland tungod sa pagduaw sa iyang amahang si kanhi Pangulong Rodrigo Duterte.
Apil niini ang mga dokumento alang sa pagduso nila og interim release alang sa kanhi pangulo.
Kagahapon, ka-uban sa bise presidente ang anak sa iyang amahan nga si Kitty Duterte.
Sa iyang pag-atubang sa Filipino community, wala na kini mihatag og bisan unsa mang updates sa legal issues nga gi-atubang sa iyang amahan sa rasong gitugyan na niya kini ngadto sa iyang mga abogado.
Aminado ang bise presidente nga nagpasalamat siya kang Pangulong Bongbong Marcos tungod kay sa gihimo niini ngadto sa iyang pamilya, maayo ang nahatag niining resulta tungod kay nagkapinasayluay sila sa iyang amahan ug nabati na niya ang father-daughter relationship.
Gawas niini, mas nagkasuod sila sa iyang manghod nga si Veronica ‘Kitty’ Duterte nga anak iyang amahan sa laing babaye.
