BUTUAN CITY – Gimanduan ni Presidente Ferdinand Bongbong Marcos Jr. si Department of Health (DOH) Secretary Teodoro Herbosa nga ipadayon ang paghatag og maayong serbisyo sa panglawas taliwala pa man sa isyu nga giatubang sa Philippine Health Insurance Corporation (PhilHealth).
Gihimo sa Presidente ang maong mandato atul sa meeting niini kauban ang mga Cabinet Members karong adlawa. Sumala sa Presidente nga kinahanglan matud pang dili maapektuhan sa zero subsidy sa Philhealth ang paghatud og serbisyo sa mga Pilipinong nanginahanglan og tabang sa panglawas.
Alayon niini, gimanduan usab sa Presidente si Herbosa nga ibaling ang atensyon sa “prevention” ug dili lang sa “cure”.
Subay niini, gihatagan usab og gimbug-aton sa Presidente ang pag digitalize sa nahisgutang departamento alang sa paghatod niini sa lapad nga serbisyo.
