BUTUAN CITY – Wala lantawa ni Presidnete Ferdinand Marcos Jr.,nga armed attack ang nahitabong insidente sa Ayungin Shoal niadtung June 17, diin giharass sa China Coast Guard ang mga sundalo sa Pilipinas nga naghimo og rotation and resupply mission sa BRP Sierra Madre.
Sumala sa Presidente nga dili kini pag-atake tungod kay wala man gitiunan og armas ang mga tropa sa Pilipinas ug wala usay ning buto nga pusil atul sa maong insidente.
Apan bisan pa man niini, dili gihapon matud pa madawat sa Presidente ang aksiyon sa China kontra sa armadong kusog sa Pilipinas.
Sigon sa Presidente, padayon ang Pilipinas nga maghaon og protesta sa Pilipinas kontra sa mga agresibong aksiyon sa China Coast Guard sa West Philippine Sea.
Gidepensahan usab sa Presidnete ang pamahayag ni Executive Secretary Lucas Bersamin kansa nagkanayon nga misunderstanding lamang matud pa ang nahitabo sa Pilipinas ingon man sa China Coast Guard.
Gipaniguro usab niini nga padayong ginaduso sa Pilipinas ang sovereign rights niini sa West Philippine Sea.
