BUTUAN CITY – Bagsak nga grado ang gihatag sa farmers’ group sa ika-upat niining State of the Nation Address kon SONA ni Pangulong Ferdinand ‘Bongbong’ Marcos Jr. Sumala ni Kilusang Magbubukid ng Pilipinas Chairperson Danilo Ramos, band-aid solution lang sa problema sa bugas ang Kadiwa ng Pangulo kansa napamatud-an nang dili epektibo sukad pa sa panahon sa iyahang amahan nga si Marcos Jr. ug kang kanhi Presidente Estrada.
Alang sa mga mag-uuma sa Luzon, mokabat sa 28-mil pisos ang pinaka-ubos nga alkansi sa mga mag-uuma, tungod sa rice tariffication law kondiin, maka-import ang nasod og bugas sa ubos lamang nga presyo, rason nga nahimo na kining kompetensya mga mag-uuma sa Pilipinas.
Wala usab gikalipay ni Ramos sa pakigkita ni Marcos kang United States President Donald Trump, human nga mubayad gihapon ang Pilipinas og 19% nga taripa sa mga produktong i-export sa atung nasod sa US, gikan sa 20% — apan ang US, walay bayran kung mag export sa ilang mga produkto sa Pilipinas.
Dugang ni Ramos, aron matubag ang krisis sa bugas sa nasod, kinahanglang pakusgon sa kagamhanan ang lokal nga produksyon sa Pilipinas, i-undang na ang importasyon; hataga og 30-mil pesos nga sugsidiya matag-ektarya ang mga mag-uuma farmer; i-repeal ang rice tariffication law, lakip na ang mga amendments niini ug ibalik ang function sa National Food Authority kon NFA nga mopalit og humay sa mga mag-uuma.
Kinahanglang duna gayuy buying station ang NFA sa matag-bario nga duna’y daghang ang mga mag-uuma, arun dili kini ma-alakansi; ug kinahanglang imbestigahan ug patubagon ang mga kartel ilawom sa pangamhanan ni Marcos.
Ang pamahayag ni Kilusang Magbubukid ng Pilipinas Chairperson Danilo Ramos.
