BUTUAN CITY- Nagpahimangno si Presidente Ferdinand “Bongbong” Marcos Jr. sa mga kompanya sa lana nga ipatuman gilayon ug hingpit ang gilauman nga dakong rollback sa presyo sa diesel, gasolina ug kerosene sunod semana. Base sa datos, ang diesel lauman nga moubos og P24.94 matag litro, gasolina og P3.41, ug kerosene og P2.00.
Gipadayon usab ang P10 fuel discount alang sa PUVs ug bus, samtang magpadayon ang Service Contracting Program alang sa mga drayber. Gi-anonsyo usab sa Land Transportation Office (LTO) ang extension sa validity sa mga lisensya ug rehistro sa sakyanan nga mag-expire karong Abril 2026, nga walay surcharge o multa, isip tubag sa krisis sa Middle East. Sumala ni President Marcos nga ang matag sentimo nga pag-rollback kinahanglan nga masinati sa tanang Pilipino ug ang ginhawa nga resulta niini kinahanglan nga mahatod sa katawhan.
