BUTUAN CITY – Nakatala og bag-ong “first” sa iyang talagsaong karera si June Mar Fajardo human siya nahimong unang midawat sa Ramon Fernandez Trophy isip Finals MVP sa PBA Season 50 Philippine Cup.
Gi-anunsyo kini human sa Game 6, diin mitampo si Fajardo og 29 puntos ug 23 rebounds sa 92–77 nga kadaugan batok sa TNT kagabii. Parehong Cebuano ug gi-ila isip duha sa pinakamaayong magdudula sa kasaysayan sa PBA sila Fernandez ug Fajardo.
Sumala ni Fajardo, dako kaayo nga dungog alang kaniya ang subling pagkutay sa iyang pangalan kauban ang iyang idolo.
Kini usab nga kampeonato mao ang ika-12 PBA championship ni Fajardo, nga nagpaduol kaniya sa rekord ni Fernandez nga 19 ka titulo—ang pinakadaghan nga nakuha sa usa ka magdudula.
Alang sa 6-foot-10 nga superstar, nagpabiling dakong inspirasyon si “El Presidente” bisan pa man og lima ka pulgada lang ang labaw sa ilang gitas-on.
