-- ADVERTISEMENT --
BUTUAN CITY – Natabla na sa 2-2 sa TNT Tropang 5G sa nagpadayong best-of-seven PBA Philippine Cup Finals human gilat-an ang San Miguel Beermen sa ilang dula kagabii sa score nga 110-87.
Nanguna sa kada-ugan sa TNT si Calvin Oftana nga nakatunol og 29 puntos sa duwa nga gipahigayon sa Mall of Asia Arena.
Mi-abag usab og 17 puntos si Jordan Heading, samtang adunay 13 puntos si Rey Nambatac. Nakuha sa TNT ang ilang pinakadakong labaw sa third quarter sa iskor nga 82-47.
Sumala ni TNT coach Chot Reyes, desidido kaayo ang iyang mga magdudula rason nga wala nila tugoti nga makadaog pa ang Beermen.
Nasayang lang ang 18 puntos ug 16 ka rebounds ni June Mar Fajardo, samtang adunay 13 puntos si Don Trollano.
-- ADVERTISEMENT --
