BUTUAN CITY – Gibalik gilayon sa dagat human sa documentation ang usa ka Hawksbill Marine Turtle nga mas nailang “ PAWIKAN”nga mitimbang og 5-kilos human kini na-rescue kagahapon sa alas-7:00 sa buntag sa Brgy. Poblacion, Bacuag, Surigao del Norte.
Nasayrang daling gipahibalo ang Bacuag Municipal Police Station pinaagi nila Police Staff Sgt Ceasar Cagas, Roel. Rivamonte, ang Bacuag Coastal Resource Management kon CRM Coordinator ug daling midalikyat sa maong lugar aron respondihan.
Human sa tagging, gipahibalo ang katawhan kalabot sa Republic Act No. 9147 o “Wildlife Resources Conservation and Protection Act” sa ingon mapahibalo sa ka-importante sa conservation ug protection sa wildlife alang sa sunod nga henerasyon tungod kay ang sea turtle o pawikan usa sa mga endangered species.
Photo: CTTO
