Patong sa ulo ni Ka Oris, gitas-an na ngadto sa P5.7M

BUTUAN CITY – Gitas-an na ngadto sa 5.7-milyunes pesos ang monetary reward nga gipatong sa 401^st Brigade, Philippine Army ngadto sa ulo sa lider sa rebeldeng New People’s Army kon NPA nga si Ka Oris kon Jorge Madlos sa tinuod nga kinabuhi.

Gipasabot ni Capt. Alvin Viernes, Civil Military Operations kon CMO officer sa 401^st Brigade, Philippine Army, nga gihimo kini tungod sa nagkadaghang kremin nga nahitabo samtang pagdayong gawasnon si Ka Oris.

Mala-umon ang kasundaluhan nga pinaagi sa gitas-ang reward money, ma-aghat ang katawhan pagtudlo sa nahimutangan ni Ka Oris nga musangpot ngadto sa iyang pagkasikop.

Migawas sa ilang intelligence monitoring nga anaa pa gihapon sa kabukiran sa Agusan og Surigao provinces si Ka Oris.