BUTUAN CITY – Ningawas sa resulta sa autopsy nga gihimo sa National Bureau of Investigation (NBI) sa patayng lawas sa namatay nga Pampanga beauty queen ug sa Israeli fiancé niini nga nakaangkon ang duha og 2 ka samad pinusilan sa ilang lawas.
Sigon ni NBI Director Jaime Santiago, ang namatay nga beauty queen nga giilang si Geneva Lopez nakaangkon og samad pinusilan sa iyang bukobuko nga milapos sa iyang dughan ingon man sa iyang paa, samtang ang iyang pamanhonon nga si Yitshak Cohen napusilan usab sa dughan ug milapos sa bukobuko, ingon man nakaangkon usab kini og usa ka samad sa bala duol sa iyang ilok.
Sumala sa opisyal nga aduna usay bala nga nakit-an sa lawas ni Lopez nga ipailalum pa sa ballistic examination.
Sa exclusive interview sa Bombo Radyo kang Philippine National Police spokesperson Col. Jean Fajardo, gikabutyag niini nga ang samad-pinusilan matud pa ang hinungdan sa kamatayon sa duha ka biktima, kini base na usab sa kopya sa autopsy nga ilang nadawat gikan sa NBI.
Kahibaloang gawas sa middleman nga usa ka Pulis kansa maoy uwahing nakakita sa 2 ka biktima, duna pay duha pa ka persons of interest sa maong kaso.
Away sa Yuta ang nakitnag angulo sa nasangpit nga krimen.
Nakahaya na ang patayng lawas sa babayeng biktima, samtang ang patayng-lawas usab sa Israeli Boyfriend niini, plano nilang ibalik sa Israel.
