BUTUAN CITY – Gipahiluna na sa usa ka punerarya ang patay’ng lawas sa usa ka lalaking nakaplagan nalang nga naglutaw-lutaw sa kadagatang sakop sa Surigao City sa nakalabay nga adlaw.
Nasayrang nakadawat nalang ang Philippine Coast Guard Station Surigao del Norte ug tawag gikan sa Operation Manager sa MV Fast Cat kabahin sa ilang nakaplagan nga usa ka patayng lawas sa kadagatan sakop sa Berth 1, Surigao Base Port, Surigao City, Surigao del Norte.
Gelayong nakig-koordina kini sa Coastguard Special Operations Unit – NorthEastern Mindanao, ingon man sa City Disaster Risk Reduction and Management Office kon CDRRMO, ug Surigao City Police Station, alang sa himoong pagretrieve sa patayng lawas pinaagi sa response team.
Dinhe nailhan ang patayng lawas nga si Prince Edward Alapedi, 35-anyos nga residente sa Purok-2, Barangay Sabang, Surigao City og gi-turn over sa Coast Guard Station Surigao del Norte sa Surigao City Police Station.
Sa karun padayon pa ang imbestigasyon aron matumbok ang hinungdan sa kamatayon niini.
