BUTUAN CITY – Gidudahang gilugos adiser gipatay ang usa ka 13-anyos nga babayeng estudyante nga nakaplagan sulod sa usa ka chapel sa Barangay Hipusngo, Baybay City, Leyte niadtong Lunes sa buntag.
Nailhan ang biktima nga si Mary Jane Nayre, Grade 7 student, sa Baybay City National High School ug miyembro sa usa ka religious youth organization.
Sigon sa taho, pasado alas-8:00 sa buntag sa dihang nadiskubre ang biktima nga walay sapot sa ilalom sa altar sa Sto. Niño Chapel.
Sa pagsusi niini, dunay mga samad ang nawong sa biktima og bisan ang kinatawo niini.
Nasayran nga Domingo sa hapon sa dihang gikataho nga nawala ang dalagita sa dihang gibiyaan sa amahan nga nag-inusara sa ilang balay og miadto sa sentrong bahin sa Baybay.
Gitudlong suspek sa krimen ang caretaker sa chapel nga mao lay dunay yawe og makasulod sa kapilya kung kini gikandado.
Nadakpan na ang suspek nga si Francilet Sacay didto madakop sa Mondragon, Northern Samar.
