BUTUAN CITY – Dakong accomplishment alang sa kagamhanan ang pagkamatay matud pa nila Omar Maute og Isnilon Hapilon hinungdan sa pagdeklara na ni Pangulong Rodrigo Duterte sa liberasyon sa Marawi City gikan sa mga kamot sa mga teroristang Maute-ISIS.
Sa eksklusibong pakighinabi sa Bombo Radyo kang General Hadji Bensaleh Sharifa, Vice Chief of Staff sa Bangsamoro Armed Forces sa Moro National Liberation Front kon MNLF, gibutyag niini nga taliwa sa pagpasi-atab sa nasudnong kagamhanan nga patay na an duha ka mga lider nga nagpasi-ugda sa giyera sa Marawi City, mas maayo gihapong mapakita sa publiko ang ilang patay’ng lawas aron mas mulig-on ang pagtuo sa tanan kalabot sa ilang kamatayon.
Kini ilabina nga mas mutuo matud pa ang publiko kung makita ang ebidensya sa ilang kamatayon pinaagi sa ilang patay’ng lawas.
Gidugang pa ni General Sharifa, nga dagan gihapon ang magduda sa gipagawas nga mga hulagway sa gobyerno nila Omar Maute og Isnilon Hapilon tungod kay sa kamoderno na matud pa sa atong teknolohiya, mahimong madoktor sa mga eksperto ang bisan unsa mang hulagway. (Beth Ruiz)
