BUTUAN CITY – Gisaysay ni Capt. Omar Quilaton, spokesperson sa 9Th Field Artillery Battalion, Philippine Army ang estorya sa nahitabong pinusilay sulod sa ilang Headquarters nga nakabase sa Patikul, Sulu diin tulo ka mga opisyal sa militar ang napatay.
Sa eksklusibong pakighinabi ning sibyahan Capt. Quilaton, mga alas 11:50 sa gabii niadtong Biernes sa dihang nakita ni 1Lt. Ryan Lamoste nga taga Butuan City si Corporal Jack Indac nga naka-inom sa ilimnong makahubog niadtong higayong, nga gipatiran ang kaubang sundalo nga private rasong gisagda kini sa opisyal og gimanduang pulihan nalang sa pagduty aron kini makatulog.
Apan gikasuko kini ni Corporal Indac diin wala misunod sa mandu sa opisyal.
Dinhe na mitawag si 1Lt. Lamoste sa ilang executive officer nga si Major Rael Gabot og gisumbong ang nahitabo.
Apan sa dihang midool na si Major Gabot og 1Lt Lamoste, gipusil sila ni Corporal Indac gamit ang inisyu kaniya nga armas nga R4 diin hapit nahurot ang usa ka magazine niini.
Nakahiadum og daghang pinusilan sa kalawasan ang duha ka opisyal nga hinungdan sa ilang hinanaling kamatayon.
Niadtong higayona, dili na matud pa mapug-ngan ang pag-wala ni Corporal Indac hangtud nga naka-responde ang kasikbit nga unit og nakapusil sa suspetsadong corporal.
Una nang naka-abot dinhe sa siyudad sa Butuan ang patay’ng lawas ni 1lt. Lamoste.
