BUTUAN CITY – Misaka na sa 2 ang patay sa natigayong pagpamusil sa lungsod sa Nasipit Agusan del Norte atol sa kasa-ulugan sa ilang Araw ng Nasipit human nakabsan na usab sa kinabuhi ang laing biktima dihang wala na makaya ang na-angkon nga mga samad-pinusilan.
Naila ang ikaduhang nmatay nga si Alden Pescante Jr., 34 anyos, ulitawo, walay trabaho, nagpuyo sa Brgy. 5 kinsa namatay kagahapon sa alas-4:00 sa hapon human ang 6 ka oras nga operasyon.
Kini tungod kay naigo sa mga bala ang iyang pancreas, gall bladder og atay.
Nasayrang natigayon ang pagpamusil niadtong Sabado, sa ala-1:30 sa kaadlawon sa gawas nga bahin sa Nasipit Central Elementary School (NACES).
Una nang namatay on-the-spot si Alj Regino Cañete, 24 anyos, estudyante ug residente sa Brgy. 5.
Natigayon kini samtang nagpahigayon og pa-disco sa dalan nga gi-atol sa pagbukas sa food bazaar kasa usa sa mga kalihukan atol sa maong kasa-ulugan.
