-- ADVERTISEMENT --
BUTUAN CITY – Mi-abot na sa walo ka mga tawo ang patay sa Mindanao tungod sa padayong mga pag-ulan nga dala sa bagyong Butchoy ug Carina ingon man sa hanging habagat.
Sigon sa National Disaster Risk Reduction and Management Council kon NDRRMC, upat sa mga namatay gikan sa Zamboanga area, duha sa Bangsamoro Autonomous Region in Muslim Mindanao kon BARMM ug tag-usa sa Northern Mindanao ug Davao Region.
![](https://img.bomboradyo.com/butuan/2024/07/landslide.jpg)
Base sa record sa NDRRMC, mi-abot sa 74 ka mga balay ang totally damaged samtang 177 usab ang partially damaged.
Sa kasamtangan, nakatala ang gobyerno og 8-milyunes, 755-mil, 993-pisos nga damyos sa imprastraktura samtang padayon pang gisuta ang kinatibuk-ang damyos apil na sa agrikultura, livelihood ug uban pa.