BUTUAN CITY – Nadugangan pa ang mga namatay tungod sa bagyong Carina, Butchoy ug Habagat.
Sigon sa National Disaster Risk Reduction and Management Council (NDRRMC), anaa na sa 40 ang patay tungod sa maong daot nga panahon. Sa maong ihap, 14 na ang nakumperma, diin 5 gikan sa CALABARZON kon Cavite, Laguna, Batangas, Rizal ug Quezon; 4 sa Zamboanga Peninsula, 2 sa Central Luzon ug tag-usa gikan sa Northern Mindanao, Davao Region ug Bangsamoro Autonomous in Muslim Mindanao kon BARMM.
Anaa na usab sa 1.4 milyones ka mga pamilya kon bugti sa kapin sa 5.4 ka mga indibidwal gikan sa kapin 4,000 ka barangay ang nanghikling tungod sa maong bagyo.
Sa kasamtangan, anaa pa sa kapin sa 10,000 ka mga pamilya ang nagpabilin sa kapin 200 ka evacuation centers samtang kapin 115,000 ka pamilya ang nanghikling sa ubang lugar.
