BUTUAN CITY -Dili mu-ubos sa 30 ka mga tawo ang patay samtang ubay-ubay ang missing sa usa lang ka county sa North Carolina, sa pagkuso-kuso sa hurricane Helene nga miresulta sa grabeng mga pagbaha.
Sa pag-igo sa bagyong Helene sa Florida ug Georgia, pinaka-apektado niini ang Buncombe County kansa mimugna og grabeng damyos, base na sa pagsaysay ni Ryan Cole, usa ka emergency official sa county, diin nahimutang ang bukid sa Asheville City.
Dili mu-ubos sa 105 ka mga tawo ang patay sa kinatibuk-an, sukad ang pag-landfall sa hurricane didto sa Florida niadtong Biernes. Kadaghanan sa mga namatay natala sa North ug sa South Carolina diin nag-landfall si Helene isip usa ka tropical storm.
Gibana-banang 1,000 ka mga tawo pa ang padayong gipangita sa Buncombe County lang kinsa padayong gipangita sa ilang mga kabanay.
