Patay naglutaw sa dagat sa Sibulan, Negros Oriental, gisuta pa kung crew ba sa barge

BUTUAN CITY – Gihulatan pa sa Philippine Coast Guard Surigao del Norte ang resulta sa forensic examination nga gihimo sa Philippine National Police kon PNP aron ma-verify kung ang napalgang usa ka patay’ng lawas nga naglutaw-lutaw sa kadagatan sa Sibulan, Negros Oriental kagahapon sa buntag, iya ba sa usa sa pito ka mga missing pang crews sa LCT Cebu Great Ocean barge.

Nasayrang gipa-abot gilayon ang maong impormasyon ngadto kang PCG-Surigao del Norte commander Elaine Pangilinan human narekober ang maong patay’ng lawas sa Brgy. Piapi kansa lisod nang ilhon tungod kay anaa na sa state of decomposition ug nabuwag na ang ubang parte sa lawas.

Suot sa biktima ang short nga duna’y kombinasyon sa kolor nga green ug yellow ug nakamedyas pa.