BUTUAN CITY – Himas-rehas ang usa ka lalaki dihang nadakpan kini sa mga kapulisan human nadiskubre nga wala nay kinabuhi ang 17-anyos niining kaipon lakip ang iyang 2-anyos niining anak sulod sa ilang panimalay sa Barangay Talogoy, Malita, Davao Occidental.
Subay sa imbestigasyon sa Malita Municipal Police Station, gitudlong suspek sa maong hitabo si alyas Paul.
Sayrang nadiskobre ang nasangpit nga kahimtang sa mag-inahan sa dihang nangalisbo na ang dili maayong baho sa ilahang balay, ug sa pagsulod sa mga residente, naabtan nalang nila ang gibanabanaang tulo ka adlawng mga patayng lawas.
Narekober ang hinagiban nga gituohang gigamit sa suspek sa pagkutlo sa kinabuhi sa mag-inahan.
Daling gilusad sa kapulisan ang hot pursuit operation kun diin nadakpan ang suspek.
Subay sa kapolisan, posible matod pa nga selos ang hinungdan sa krimen sanglit pipila na ka adlaw ang milabay dihang nagkabikil ang magtiawyon gumikan niini.
