BUTUAN CITY – Usa ka lalaki sa Oklahoma City kinsa una nang na-diagnose nga duna’y small-cell lung cancer og gitagalan na lang og tulo ka buwang pagpakabuhi, ang mi-angkong nauli-an siya tungod lang sa pag-inom niya og tag-singko dolyares kon kapin 250-pesos nga pangpurgang tambal alang sa mga iro.
Una nang na-diagnose si Joe Tippens nga duna’y small-cell lung cancer niadtong 2016 kondiin taliwa sa pagpa-ilalom niya sa treatment alang sa maong sakit sukad niadtong Enero 2017, padayon ang pagkaylap sa kanser sa ubang organs sa iyang lawas ilabina sa iyang tiyan, li-og, pantog og bisan na sa kabukugan.
Tungod niini, gitambagan na lang siya sa iyang mga doctor nga mupa-uli na lang tungod kay duna na lamang siya’y tulo ka buwang magpakabuhi.
Tungod sa kagamay na lang kaayo sa tsansang mabuhi, purisigido si Tippens nga sulayan ang tanan, mamilagruhan lang ang iyang kinabuhi kondiin apil sa wala niya gipasaylo ang pangpurga sa iro nga fenbendazole.
Gihimo matud pa niya kini human nakita ang post nga nanawagan niadtong mga tawong duna’y kanser nga kontakon ang maong forum poster kinsa nasuta niyang usa ka veterinarian.
Dinhi siya gisultihan sa maong vet nga aksidenteng nadiskubrehan sa mga scientists ang us aka dog de-worming drug nga mu-atake matud pa sa mga cancer cells diha sa mga ilaga.
Usa sa mga scientists nga naglusad sa maong research ang na-diagnose nga duna’y stage 4 brain cancer og mihatag og susamang grim prognosis kang Joe, kondiin sukad ang iyang pag-inom sa dog deworming pill, nawala gilayon ang iyang kanser paglabay sa unom ka mga buwan.
Human na-intriga, nagpabilin si Tippens alang sa clinical trial nga gisugyot sa iyang doctor kondiin giresitahan siya og fenbendazole, ang canine drug nga maoy giresita sa veterinarian.
Wala niya sultihi kalabot niini ang iyang mga physicians og paglabay sa tulo ka buwan, mipa-ilalom na usab siya sa PET scan aron susihon ang gikaylap sa kanser.
Dako na lang ang iyang kakurat dihang nasayrang wala’y sign sa mga tumors sa bisan asang parte sa iyang lawas.
