BUTUAN CITY – Gihulat na lang sa Philippine National Police kon PNP ang iduso nga formal complaint sa mga gika-ingong mga biktima sa sekswal nga pagpangabuso ni Kingdom of Jesus Christ kon KOJC founder Pastor Apollo Guiboloy human midangop sa mga police stations. Sigon ni PNP spokesperson PCol. Jean Fajardo, ngilngig ang nadangatan sa mga biktima tungod kay sa edad pa lang nila nga 12 o kaha 13-anyos, gisugdan na sila paggamit sa pastor ug gibaharang dili ibulgar ang ilang nasinatian tungod kay gukdon matud pa sila sa gipatuo kanilang mga ‘Angels of Death’.
Gipatuo pa usab sila nga dili magduha-duha tungod kay Ginoo ang ila matud pang giserbisyuhan ug ang iya matud pang himuon kanila, maoy dalan aron maka-abot sila sa langit. Dili lang ka-usa o kaha kaduha kondili kadaghan matud pa sila gipanamas-tamasan sa pastor kondiin gi-assign pa sila og adlaw tungod kay duna’y gamiton sa kada-adlaw’ng Lunes, Martes hangtud na sa Dominggo. Blangko pa usab sila kung nganong wala panalipdi sa mga ginikanan ang ilang mga anak ug mas gipalabi ang sayop nga pagtuo.
Apil sa ila pang gipakisayran kung kinsa kining mga ‘Angels of Death’ nga gihimong panghadlok sa mga bata kansa nanaghan matud pa human nadakpan ang maong religious leader. Alayon niini, nanawaganang opisyal ngadto sa uban pang nabiktima ni Pastor Quiboloy nga muduol kanila aron matabangan nga mahatagan og hustisya ang ilang nadangatan.
