BUTUAN CITY-Patay ang usa ka pastor human sa 25 ka adlaw nga pagpuasa kansa gitumong matud pa niini nga malabwan ang 40 ka adlaw nga pag-fasting ni Hesu-Kristo sumala sa Biblia.
Giila ang pastor nga si Francisco Barajah, founder sa Santa Trindade Evangelical Church nga nakabase sa Mozambique sa sidlakang bahin sa Africa. Base sa taho, gituyo sa pastor ang 40 ka adlaw nga fasting isip literal nga pagsunod sa nahisulat sa Biblia.
Apan wala kini maka-antos hangtod sa katapusan. Sa ika-25 ka adlaw sa iyang pagpuasa, nakabsan kini sa kinabuhi tungod sa grabeng nasinati-an nga pagkaluya.
Sumala pa sulod sa maong mga adlaw wala kini mingkaon ingon man ang oag-inom og tubig, hinungdan sa pagkaluya ug dili na makatindog. Gi-angon usab sa pamilya niini nga naanad na sila sa pag-fasting isip kabahin sa ilang pagtuo, apan dili sa ingon ka taas nga gidugayon
