BUTUAN CITY – Gikiumperma ni Commission on Election (Comelec) Chairman George Erwin Garcia nga misang-at sa iyahang sertipiko de kandidatura pagka-senador si Kingdom of Jesus Christ Leader Pastor Apollo Quiboloy pinaagi sa abogado niini kagahapong adlawa.
Una nang nihimo og survey ang mga dumadapig sa pastor, kon pabor ba ang publiko nga modagan nang nasangpit nga indibidwal nga modagan kini pagka Senador.
Sumala ni Chairman Garcia nga ilalum sa balaod bisan kinsa, gawasnon matud pa nga makapasaka og COC, taman nga wala pay hukom sa kaso nga giatubang niini. Sa kasamtangan, anaa pa gihapon si Quiboloy nagpabilin sa Philippine National Police Detention Facility sa Camp Crame, Quezon City tungod sa daghang mga kaso nga giatubang niini.
Sumala usab sa legal counsel sa nasangpit nga lider nga nga molansad matud pa ang iyahang kleyente para sa Dios ug para sa nasod. Dugang niini nga si Quiboloy matud pa ang senador alang sa mga kabos ug tabahanteng Pilipino.
Dugang niini nga bisan kung dili na mo dagan si Presidente Rodrigo Duterte sa national Level, duna gihapon matud pay paglaum ang mga Pilipino pinaagi kang Quiboloy.
Ang pamahayag sa abogado ni Quiboloy. Kahinuduman nga nag atubang sa daghang mga kaso ang nasangpit nga lider ug lakip na sa gikaatubang niini ang child ug sexual abuse ingon man qualified human trafficking ang nahisgutang indibidwal.
