BUTUAN CITY – Gikumpirma sa otoridad sa Kazakhstan nga dunay 12 ka mga tawo ang nak-survived human ang pagkahagsa sa usa ka passenger plane dool sa siyudad sa Aktau sa Kazakhstan ning adlawa, pasko.
Nasayran nga ang Embraer passenger plane nga naglupad gikan sa Azerbaijan ngadto sa Russia dunay sakay nga 67 ka pasahero og 5 ka crew.
Sa mikaylap nga video sa maong pagkahagsa, makita ang eroplano nga gi-operate sa Azerbaijan Airlines, nga nasunog sa dihang nahagsa.
Sigon sa emergencies ministry sa Central Asian country gelayong napalong sa fire services ang kalayu og nadala sa pinakadool nga hospital ang mga survivors.
Sumala sa Azerbaijan Airlines nga ang Embraer 190 aircraft, nga dunay flight number J2-8243, naglupad gikan sa Baku ngadto sa Grozny, ang capital sa Chechnya sa Russia apan napugos nga mohimo og emergency landing mga 3 kilometros gikan sa siyudad sa Aktau.
Samtang sumala sa Russian news agencies nga ang maong eroplano gi-re-route tungod sa fog kon gabon sa Grozny.
Apan sigon sa otoridad sa Kazakhstan lantawon nila ang uban pang hinungdan sa hitabo lakip na ang technical problem.
