BUTUAN CITY – Human ang init nga tinubagay nila Vice President Sara Duterte ug Senadora Risa Hontiveros sa budget hearing sa Senado kagahapon, gihulagway ni VP Sara ang iyang kaugalingon nga very cordial ug dili plastic nga tawo.
Sa pagsusi proposed 2025 budget sa Office of the Vice President, nagkapersonalay sila Duterte ug Hontiveros human nasilib sa senadora ang gahinan sa pundo sa buhatan sa bise presidente.
Human ang init nga panag-ergo sa duha, gisulayan ni Senador Alan Peter Cayetano nga paga-anon ang tensyon sulod sa committee room dayong butyag nga gusto niyang duna’y “cordial exchange”.
Gidapigan usab sa senador ang ka-ubanang si Hontiveros nga kinahanglang mahigayong cordial kon mahigalaon.
Dinhi na siya gitubag ni VP Sara nga usa siya ka cordial kon mahigalaon nga tawo ug dili plastic.
Bisan pa man, dali usab nga na-refer sa plenaryo sa Senado ang 2025 proposed national budget sa Office of the Vice President.
