BUTUAN CITY – Nakabsan sa iyang hinulamang kinabuhi ang usa ka pasahero sulod sa Bachelor Express ning siyudad sa Butuan kaganing alas 6:00 sa buntag. Naila ang biktima nga si Jimmy Celorio, 45-anyos, nga taga Malinao, Banisilan, Cotabato.
Sa impormasyong nakuha gikan sa guard sa Bachelor Express Inc. nga si Freddie Cenobales, nagsumikad matud pa ang biktima sa Cagayan de Oro City og padulong ning siyudad sa Butuan. Apan pag-abot sa Langihan Bus Terminal, wala kini mikanaog og daw naglisud sa pagtindog mga bandang alas 10:00 sa gabii.
Nagtoo lang ang conduktor nga kini hubog rasong pag-abot sa Bachelor Express diin egarahe ang bus, gedayungan ang maong biktima ug gibutang sa temporary waiting area aron makapahulay.
Pagkabuntag nalang nabantayan nga daw wala nay kinabuhi ang biktima nga nagbuy-od na sa semento rasong mitawag sila og kapulisan. Dako ang pagtoo niini nga duna kini gihambin nga sakit. Sa karun gipahiluna ang biktima sa punerarya ning siyudad samtang gipaningkamutan nga mapahibalo ang pamilya niini.
