BUTUAN CITY – Nakumpiska sa mga personahe sa Bureau of Customs kon BOC Port of Clark og Philippine Drug Enforcement Agency kon PDEA ang usa ka parcel nga dunay sulod sa mukabat 2.09 kilos nga high-grade marijuana nga dunay gibana-banang kantidad nga uno milyones 890-mil pesos sa pantalan sa Clark, Pampanga.
Sumala sa ahensiya ang maong parsel nagsumikad sa Sacramento, USA, og padulong unta sa Surigao del Norte.
Pinaagi sa gipakusgan pang X-ray scanning pinaagi sa X-ray Inspection Project, ang maong shipment gikuha una alang sa physical examination.
Gisusi sa Customs personnel ang brown nga rectangular box nga dunay nakatatak nga “Ink Toners.”
Sulod sa box ang itom nga PVC cylinder, nga dunay 12 ka plastic sachets diin ang sulod maoy gikuhaan og Samples og giturn-over sa PDEA alang sa chemical analysis, og nakumpirmang usa kini ka Tetrahydrocannabinol, usa ka delikado nga drugas.
Gelayon usab nga gi-isyu ang Warrant of Seizure and Detention alang sa nasangpit nga parcel. Hangtud sa pagkutlo ning balita, wala pay gipagawas nga resulta sa gihimong imbestigasyon sa personahe sa Bureau of Customs.
