BUTUAN CITY- Nagka-bisi sa mga private meetings karung adlawa si Pangulong Ferdinand Marcos Jr. isip pagpangandam sa nakatakdang unang Full cabinet meeting ugmang adlawa para sa tuig 2025.
Tungod niini, wala unay public engagement si Pangulong Ferdinand R. Marcos Jr.
Base sa impormasyon nakasentro ang schedule sa pagpulong sa Pangulo ngadto sa mga may kalabutan sa monetary policies ug sa mga private-public partnership.
Sa nakalabay nga semana human ang pagpirma sa 2025 General Appropriations Act, nahimong bisi usab ang Presidente sa mga private meetings niini.
Una nang gipa-ambit ni PCO Acting secretary Cesar Chavez nga ang 1st full cabinet meeting ugmang adlawa alang sa tuig 2025, mahimong parte sa agenda ang Legacy projects sa Marcos jr administration.
Lakip nga hisgutan ang mga big-ticket ug ODA-funded projects sama sa mga proyekto nga dunay kalabutan sa transportasyon, enerhiya, panglwas, teknolohiya ug agrikultura.
