BUTUAN CITY – Gi-anunsiyo sa Malacañang nga makadawat og dili molapas 7-mil pesos nga gratuity pay ang mga Contractual government workers ning tuiga.
Gipatas-an ni Pangulong Ferdinand Marcos jr ngadto sa P7,000 gikan sa P5,000 the gratuity pay sa contract of service og job order workers nga nagtrabaho sa dili moubos upat ka bulan nga actual satisfactory service performance as of Dec. 15.
Nasayran nga ang katapusang gratuity pay increase nahitabo niadtong 2021, diin gikan sa P3,000 ngadto sa P5,000. Ang trabahante nga nakatrabaho og dili moubos 4 ka bulan ning tuiga makadawat sa gratuity pay sa pro-rata basis, base sa Administrative Order 28 nga gipirmahan niadtong Disyembre 19 ni Executive Secretary Lucas Bersamin.
Ang Contractual workers nga dunay tulo ka bulan nga service makadawat usab sa gratuity pay nga dili molapas sa P6,000, samtang kadtong 2 ka bulan palang makadawat sa gratuity pay nga dili molapas sa P5,000. Samtang ang trabahante nga wala pa mag duha ka bulan sa serbisyo makadawat gihapon og gratuity pay nga dili molapas sa P4,000.
