BUTUAN CITY – Mismong si Pangulong Rodrigo Duterte ang nagtaud sa Military Merit Medals sa lima ka mga sundalo sa Caraga Region nga duna’y meritorious performances sa ilang serbisyo.
Na-delay og pipila ka oras ang paghatag ni Pangulong Duterte sa maong award nga dapat unta gihimo sa alas-tres pa sa hapon alang nila 1Lt. Melvin Allan Medrano og 1Lt. Chenly Pasanting nga parehong sakop sa 3rd Special Forces Battalion; 1Lt. Gerald Gaston sa 29th IB, og nila S/Sgt. Narding Pascual og 1Lt. Aldim Viernes sa 26IB.
Kini tungod kay gi-una sa pangulo ang pagtambong sa People’s Day sa Cabadbaran City nga kabahin sa 50th founding anniversary sa Agusan del Norte.
Ang seremonyang gihimo sa 4th Infantry Division Advance Command Post sa Brgy. Bancasi ning siyudad sa Butuan nga gisabayan usab nila M/Gen. Benjamin Madrigal, Jr. og Col. Cristobal Zaragoza.
Gipangunahan sa presidente ang donning of rank alang k ang Col. Cristobal Zaragoza kondiin gi-promote siya og one rank higher gikan sa colonel ngadto na sa brigadier general.
Gidayeg sa pangulo ang pagkabayani sa maong mga sundalo alang sa seguridad sa ationg nasud og sa katawhan.
Gipadayag usab sa pangulo nga gibalewala lang nat ong tanan ang armas nga dala sa mga membro sa Maute terror group hangtud nga nakasabwag sila og lapad nga kagubot . (Beth Ruiz)
