BUTUAN CITY – Maghatag og financial assistance si Pangulong Rodrigo Duterte ngadto sa pamilya ni Police Executive Master Sergeant kon PEMS Jimmer Omisol – ang Municipal Executive Senior Police Officer kon MESPO sa Carmen Municipal Police Station sa lungsod sa Carmen, Agusan del Norte.
Sigon ni Bombo Jerrymar Omisol – tigpamaba sa pamilya Omisol, nagpadala na og representante ang pangulo kondiin gipa-abot kanila ang pahasubo ngadto sa nadangatan sa maong police official dungan sa pagtimbaya nga gibarugan niini ang iyang gipanumpaang katungdanan.
Sigon ni Omisol, lakip sa ihatag sa pangulo ang 250-mil pesos nga burial assistance, laing 250-mil pesos nga livelihood assistance, gawas pa sa scholarship grant nga ihatag sa duha niini ka mga anak nga babaye.
Misaad usab ang pangulo nga tukuran og pinuy-anan ang na-ilo niining pamilya kung wala pa’y kaugalingong pinuy-anan o kaha hatagan og 400-mil pesos nga housing assistance higayong duna na’y balay apan wala pa matapos.
