BUTUAN CITY – Nagkaestorya na pinaagi sa telepono sila Pangulong Ferdinand Marcos Jr. ug US President elect Donald Trump.
Lauman na usab ang padayon nga pagpalig-on sa kooperasyon sa Pilipinas ug Estados Unidos, sa ilalom sa administrasyon ni Trump.
Sigon ni Pangulong Ferdinand R. Marcos Jr., kagahapon sa buntag nakabaton siya og higayon nga makaestorya sa telepono si Trump diin gipaabot niya ang pagtimbaya sa kadaugan ni Trump sa natapos nga US elections.
Nahisgutan sa duruha ang relasyon sa Maynila ug Washington diin gitumbok sa Pilipinas ang commitment niini nga palig-onon pa ang lawom nga relasyon niini.
Nalitok usab sa pangulo nga apil ang mga Pilipino sa US, sa mibotar kang Trump. Sigon ni Pangulong Marcos, plano niyang personal nga maka-pulong ang president-elect.
Gikonsidera usab sa Pangulo nga usa ka friendly call ug produktibo ang ilang panag-estorya.
Gikumpirma usab ni Marcos nga wala nila nahisgutan ang isyu sa mga Filipino immigrants apan giplastar na matud pa kini sa embahada./
