-- ADVERTISEMENT --
BUTUAN CITY – Gikumpirma ni Presidential Communications Undersecretary Claire Castro nga mubiyahe sa Estados Unidos si Pangulong Ferdinand Marcos Jr. sa Hulyo 20 hangtud 22.
Gikumpirma kini sa opisyal human kini unang gi-anunsiyo ni United States Secretary of State Marco Rubio samtang atua sa Kuala Lumpur, Malaysa.
Gibutyag ni Castro nga gipinalisar pa nila ang mga detalye ug kung unsa ang mahimong hisgutan sa pangulo ug ni US President Donald Trump.
Kini na unya ang ika-limang pagbisita ni Marcos sa Estados Unidos human siya milingkod sa gahom niadtong tuig 2022 ug unang pagbisita human subling napili si Trump sa maong posisyon ning mi-aging tuig.
